CEL

• 

A Confederación de Empresarios de Lugo (CEL) reuniu onte a unha trintena de participantes na súa última actividade informativa e divulgativa de 2026 en materia de igualdade, na que se analizaron, de forma práctica e detallada, as medidas para implementar en pemes e micropemes e, moi especialmente, modelos de protocolos de acoso e LGTBI que si funcionan nas pequenas e moi pequenas empresas ou microempresas.

A xornada, celebrada en formato en liña, prolongouse ao longo de máis de tres horas e contou coas achegas dos avogados expertos Néstor Aparicio e Fabián Valero, que coincidiron en sinalar a importancia de que o tecido empresarial avance na implementación de medidas de igualdade e protocolos de acoso e LGTBI que reflictan e adáptense á realidade de cada empresa, o imprescindible da implicación total da dirección con medidas e protocolos ou a necesidade de accións continuadas de formación e sensibilización en materia de igualdade entre todos os traballadores dunha empresa. 

A actividade dividiuse en tres bloques informativos, os dous primeiros a cargo de Néstor Aparicio e o terceiro a cargo de Fabián Valero. No primeiro afondouse na posibilidade de contar nas empresas cun modelo único de protocolo fronte ao acoso sexual e de protección do colectivo LGTBI, que facilita non soamente o cumprimento normativo senón tamén a propia implementación de protocolos e o respecto á diversidade. Analizáronse neste bloque obrigacións legais esixibles a microempresas e pemes; risco sancionador, probatorio e reputacional ou erros habituais na implementación de protocolos. No segundo bloque, sobre cultura empresarial, prevención e casos prácticos, abordouse o deseño do protocolo único ou a implementación da canle de denuncias en ausencia dun departamento de Recursos Humanos, con análise detallada de exemplos prácticos reais. Finalmente, no terceiro bloque, sobre marco normativo e risco empresarial, analizouse a comunicación interna do protocolo; liderado e prevención de represalias ou, tamén, casos prácticos.

Perfil relatores

Néstor Aparicio é avogado e executivo sénior especializado en cumprimento normativo, AML/CFT, protección de datos e xestión de riscos, con traxectoria en España e América Latina que actualmente combina os cargos de Chief Compliance Officer en Baghdadi Capital e CEO/Compliance Officer de True North Compliance. Pola súa banda, Fabián Valero é avogado laboralista, fundador de Zeres Abogados que acumula máis de dez anos de experiencia profesional na área do dereito laboral e da Seguridade Social e que conta cunha consolidada traxectoria de asesoramento xurídico laboral a empresas e particulares, dereito procesual laboral e negociacións laborais de carácter colectivo. 

A xornada que pecha este exercicio a programación divulgativa do Gabinete Técnico de Igualdade da CEL contou ademais coas achegas e direccion técnica de Frago & Suárez Abogados para a súa posta en marcha.