Escrito o:
Semana Europea da Seguridade e a Saúde no Traballo 2020
Hoxe finaliza a Semana Europea da Seguridade e Saúde no Traballo, a cita anual que se repite na semana 43 do calendario promovida pola Axencia Europea da Seguridade e a Saúde no Traballo (OSHA) para concienciar ao redor da prevención de riscos laborais.
Organizada de novo ao redor da campaña de "Traballos saudables", este ano a prevención de trastornos musculoesqueléticos (TME) era a base de moitas das accións organizadas, aínda que o impacto da COVID-19 a todos os niveis nos lugares de traballo tamén deixou o seu sinal na mesma.
Así, dentro da campaña de "Traballos Saudables", a OSHA incorpora na súa web múltiples recursos para aplicar e avaliar a prevención de riscos nos lugares de traballo en relación á COVID-19. Animamos á súa consulta nesta ligazón.
A CEL, a través do seu Gabinete Técnico de Seguridade e Saúde Laboral, achega o seu grao de area coa campaña de concienciación que ilustra esta noticia, ao redor da prevención da COVID-19, e na o que animamos a gardar as debidas medidas para evitar o contaxio.
Lembramos que para calquera dúbida ou consulta relativa a medidas de prevención en lugares de traballo ou outras consultas sobre seguridade e saúde laboral, podedes contactar co Gabinete no teléfono 982 23 11 50.