Escrito o:
Día Mundial da Seguridade e a Saúde no Traballo 2025
O vindeiro luns, coincidindo co día 28 de abril, celébrase o Día Mundial da Seguridade e Saúde no Traballo, unha data conmemorativa na que, anualmente, a Organización Internacional do Traballo (OIT) impulsa accións de sensibilización e concienciación dirixidas a centrar a atención internacional sobre a magnitude do problema dos riscos laborais e sobre como a creación e promoción dunha cultura da seguridade e a saúde pode axudar a reducir o número de mortes e lesións relacionadas co traballo.
A lema deste ano é "Revolucionar a saúde e a seguridade: o papel da IA e a dixitalización no traballo", a través do cal a OIT desenvolve unha campaña que trata arroxar luz sobre como as novas tecnoloxías están a cambiar a seguridade e saúde laboral, entre outras cousas mediante a automatización de tarefas, o uso de ferramentas intelixentes e sistemas de supervisión, a realidade ampliada e a realidade virtual e a xestión algorítmica do traballo.
No marco desta iniciativa publica informes e elabora outros materiais materiais que analizan estas cuestións e as respostas dos gobernos, empregadores, traballadores e outras partes interesadas para mitigar os posibles riscos para a seguridade e a saúde derivados da nova era dixital.
Desde a CEL sumámonos a esta campaña e respondemos o reto de entender os novos retos de seguridade e saúde que expón a dixitalización, derivados das novas tecnoloxías, novas formas de emprego ou novas condicións laborais. Así, estamos a elaborar, no marco das accións de PRL financiadas pola Xunta de Galicia, unha campaña divulgativa vía pílulas en vídeo sobre riscos e medidas preventivas na era dixital, que publicaremos ao longo dos últimos meses e antes de finalizar o ano.
Recomendamos tamén a visita da web da OIT e Nacións Unidas para saber máis sobre a campaña 2025 do Día Mundial da Seguridade e Saúde Laboral e descargar os materiais deste ano: