Escrito o:
CURSO | Competencias dixitais eficaces na contorna laboral
Saber se un computador ou calquera outro dispositivo informático están infectados por un virus e como protexelos, coñecer como se instala un certificado dixital, achegarse a sistemas para organizar videoconferencias ou retoque básico de fotografías... son habilidades básicas e transversais hoxe para o traballador de calquera sector e útiles para a contorna laboral e a vida persoal.
Nestas habilidades e para avanzar na adquisición de competencias dixitais está centrado o curso "Competencias dixitais eficaces na contorna laboral", que a Confederación de Empresarios de Lugo (CEL) organiza para apoiar a mellora das capacidades dixitais de traballadores en activo e autónomos da provincia de Lugo.
Totalmente gratuíto, online e con liberdade de horarios e titores persoais.
Inclúe módulos para avanzar no coñecemento e uso de novas ferramentas de Intelixencia Artificial (IA).
Máis información e preinscrición nesta ligazón.
Formación financiada polo Ministerio de Educación, Formación Profesional e Deportes con fondos do Plan de Transformación, Recuperación e Resiliencia do Goberno de España e impartida na Plataforma FÓRMATE.